آخرین مطالب
امکانات وب
واقدیکان اؤنیوئرسته اویرتمنی(اوستاد)لورو کوردو و عربی لاغا قویان نان سونرا بیله میزه تکلیف ائله دیکی تورکلر ناواقدان باش کند دئییه یاماقجیق شهرجیک لرینده مسکون ناشماقلاری حاقدا تحقیقات آپاریب مقاله لر یازمالی اولاق؛بیر ایکی آیدان سونرا بیر دونه موضوعونو گونده مه گتیرن اویرتمن اوزونو اویرنجی لر توتاراق ایسته دیکی یازیلان مقاله لری اوخوسون نار؛یولداشلاربیر به بیر اوز یازدیقلارینی اوخویاراق اویرنجی لردن بیری اوز مقاله سینی دوزدوگو سیرالارین نان بئله باشلادی کی اولا ایران سینیر سرحددینده یاشایان تورک یوخ آذری واردیر دئییه علاوه ائله دیکی آذری لر باش کند شهرجیکلرینه آخین ائله مکلری پهلویلر دونمین نن باشلایاراق بوگونکو اکبر آباد و سولطان آباد زور آباد داراشلیق شهرجکلرینه توپلاشیب یاشامالی اولموشدورلار؛اونلارین یاپیب یاشادیقلاری شهرجیکلرده اوغرو و یول کسن زاد چوخ اولدوغونا جاماهات آخشام تئزدن ائوه تپیلیب سحر دان یاران نان سونرا ایش دالیسیجان گئتمه لی اولورلار؛اونلارین حییت دری دام نارینان اوستو اولاراق قونلاق موناقلاری گلنده آرواد اوشاقلارینی دام باجادا یاتدیرماق مجبوریتینده قالیرلار؛قارشی دورمالاری اولاندادا شالوارلارینی چیخاریب داوا دالاشا قاتیلمالی اولارلار؛آدی گئدن شهرجیکلرده نارکوتیک ماده سین نن توتموش آدام کلله سوموگونه قدر الده ائله مک اولار؛سون اولاراق منده الیمی قالدیریب اویرتمن نن موضوعویا قاتیلماغیمی ایسته دیم؛اویرتمن فارس لهجه سینن بیر دونه بیله مه ساتاشاراق ساشاسین قالاچی مورتوض دئییه ایذن وئردیکی منده شخصاَ یازدیغیم مقاله می اوخویوم؛ مقاله باشلیجاسی آییری سئچگی لیگه سون دئییه اوزومو صینیف داشلاریما توتاراق اوخوماغا باشلادیم؛تهرانین یوخ بلکه بوگون نری ری دئدیگینیز اسگی شهرین قورولوب انکشاف ائله مه سی سلجوقلار دورونه تصادوف ائله ییر؛صفوی شاهلارینان اولان بیرینجی شاه تهماسیب 450 ایل بون نان اونجه ایلک دونه یولو ری شهرجیگینه دوشنده بو گونکو تئهران دئییلن شهرجیک قالا دووارلارینین یئنی دن تیکیلمه سینه امیر وئرمه لی اولموشدور؛ اوچ یوز ایل بون نان اونجه قاجار شاهلارینان اولان آغا محمد خان قاجار بوگونکو تئهران شهرجیگی اوزونه باش کند سئچیب و اونون انکشاف ائله مه گینده حل ائدیجی رول اوینامیشدیر؛اوزللیک له قاجار سرکرده لری بو شهرین آبادداشماغینا جان آتیب اولکه نیزه لایق باش کند یاراتمالی اولموشدورلار؛بو شهرین اسگی گیریش و چیخیش (دروازه)قاپیلاری قاجار شاهلارینین امرینن دوزلتمیشدیر؛گئت گئده تهران شهری اوز اعتبارینی قاجار شاهزاده لرینن آلمیشدیر؛اگر بوگونکو اکبر آباد و سولطان آباد یاماق شهرجیکلرینی آذربایجان کند و شهرلرینن آخین ائله یین تورکلر یاپیب یاشاسالاردا کئچمیش ده سعد آباد-احمد شاه-صاحیب قرانیه-شمس العماره-قصر قاجار-فرح آباد و سلطنت آباد سارایلارینیدا آذری لر یوخ تورک سویلو قاجار شاهلاری یاپمیشدیرلار.................
آلینمامیش قیصاص............................برچسب : نویسنده : tungal92 بازدید : 118